|
У куце сядзіць мядзведзь
У куце сядзіць мядзведзь,
Хустку вышывае,
А лісічка-невялічка
Хатку прыбірае.
А каток пячэ аладкі,
Масла падлівае.
Мышанятка жвава, гладка
Катку памагае.
|
Ягорачка
Горкай, горкай, горачкай
Ішоў малы Ягорачка.
Ваўкоў не баяўся,
Страхаў не пужаўся.
Выразаў Ягорачка
Дудачку-свісцёлачку,
I свістаў ён птушачкай,
Птушачкай-пяюшачкай.
|
Сядзіць мядзведзь на калодзе
Сядзіць мядзведзь на калодзе,
Капшук вышывае,
А сыны-медзведзяняткі
Шоўкам падшываюць.
Стары заяц-работнічак
На скрыпцы грае,
А лісіца, а хітрыца
З куста выглядае.
|
|
Кую, кую ножку
Кую, кую ножку,
Паеду ў дарожку.
Дарожка крывая,
Кабылка сляпая,
Еду, еду, еду,
Ніяк не даеду.
Прыпрагу сароку,
Паеду далёка,
У новай кашулі
Да майго дзядулі.
Скоранька паеду,
Каб паспець к абеду.
Ладкі ладком
Ладкі ладком,
Піражкі з мядком,
Кашка з алеем,
Есці не ўмеем.
|
Ладу, ладу, ладкі
- Ладу, ладу, ладкі
Дзе былі?
- У бабкі.
- А што елі?
- Кашку.
- А што пілі?
- Малачко.
Бабулька казала,
Як нас частавала:
- Прыходзьце часцей,
Пачастую смачней:
Дам вам сыраквашкі,
Бярозавай кашкі.
|
Люлі-люлі-люлі
Люлі-люлі-люлі,
Прыляцелі куры,
Селі на варотах
У чырвоных ботах.
Сталі сакатаці -
Што курачкам даці?
Ці ячменю жменьку?
Ці гарошку трошку?
Ці жыта карыта?
Ці бобу каробу?
Трэба даць ім грэчкі,
Каб неслі яечкі.
|
|
Сарока-варона
Сарока-варона
На прыпечку сядзела,
Кашку варыла,
Дзетак карміла.
Гэтаму дала,
Гэтаму дала,
Гэтаму дала,
Гэтаму дала,
А гэтаму не дала.
Ты самы малы,
вады не насіў,
дроў не калоў,
круп не малоў.
Бяжы да крыніцы,
прынясі вадзіцы,
усім нам напіцца —
тады дам табе кашы.
Тут пень, тут калода,
тут мох, тут балота,
а тутака крыніца — сцюдзёна вадзіца
пацякла-пацякла-пацякла!
|
Сонейка-сонца
Сонейка-сонца,
Выгляні ў аконца,
Пасвяці нам трошку,
Дам табе гарошку.
Коцік-коцік-коцік,
Цёпленькі жывоцік.
Кіці-кіці-кіці,
Востранькія кіпці.
Пайшоў каток у лясок, прынёс каток паясок.
Пайшоў каток на ганачак, прынёс нам абараначак.
Пайшоў каток на рыначак, прынёс каток разыначак.
Пайшоў каток на таржок, прынёс каток піражок.
Пайшоў каток на вулку, Прынёс нам хлеба булку.
|
Тра-та-та
Тра-та-та,
Тра-та-та,
Выйшла котка за ката,
За катом ёй добра жыць,
Бо не трэба тапкі шыць.
Мякенькія лапкі —
І не трэба тапкі!
Сядзіць сыч на капе
Сядзіць сыч на капе,
А сава на другой,
Гой-гой-гой! на другой,
Гой-гой-гой! на другой.
У савы сыч пытае:
— Хто ў лесе гукае?
Гу-гу-гу! — гукае,
Гу-гу-гу! — гукае.
— Дрывасекі мае
Сякуць лес у мяне.
Чах-чах-чах! — у мяне,
Чах-чах-чах! — у мяне.
I сякуць, і крычаць,
Каб звяроў напужаць.
Пух-пух! — напужаць,
Пух-пух! — напужаць.
|
|
Лічылкі
|
|
Ішла кошка па раялі...
Ішла кошка па раялі,
Наступіла на педалі
I ад болю закрычала:
- Мяу!
|
Ішла кукушка міма сеці...
Ішла кукушка міма сеці,
А за ёй пішчалі дзеці.
Кук-мак, кук-мак,
Выбірай адзін кулак.
Ку-ку, ку-ку,
Прынімай адну руку.
Ішоў баран...
Ішоў баран
Па крутым гарам,
Вырваў траўку,
Палажыў на лаўку.
Хто яе возьме,
Той вон пойдзе.
|
Кацілася торба
Кацілася торба
З высокага горба,
А ў той торбе
Хлеб, пшаніца.
З кім жадаеш
Ты дзяліцца?
|
|
Я сядзеў, чытаў газету,
Нехта выпусціў ракету.
Раз, два, тры -
Гэта, верна, будзеш ты.
|
Хадзіў буська па балоту,
Ён шукаў сабе работу.
Шукаў, шукаў, не знайшоў
I заплакаў дый пайшоў.
|
Кацілася яблычка па агароду
I упала прама ў воду.
Бульк!
|
|
Раз, два, тры, чатыры, пяць,
Выйшаў зайчык пагуляць,
А за зайцам - шэры воўк,
Воўк у зайцах знае толк.
|
Раз, два, тры, чатыры,
Кошку грамаце вучылі:
Не чытаць, не пісаць,
А за мышкамі скакаць.
|
Раз, два, тры, чатыры, пяць,
Выйшаў месяц пагуляць,
А за месяцам луна -
Аставайся ты адна.
|
|
Калыханкі
|
|
А ты, каток шэры
А ты, каток шэры,
Ў цябе хвосцік белы.
Прыйдзі, каток, начаваць
I дзіцятка калыхаць.
|
А ты, коцінька-каток
А ты, коцінька-каток,
Ў цябе шэранькі хвасток.
Ты прыходзь к нам начаваць,
Будзеш Янку калыхаць,
А я шэраму катку
За работу заплачу -
Дам гарлачык малака
I кавалак пірага.
|
Баю, баіньку, баю
Баю, баіньку, баю.
Не лажыся на краю.
Не лажыся на краёк,
Прыйдзе шэранькі ваўчок.
Цябе схопіць за бачок.
|